ياهنانا بدنيتنا

يا منايا يا فرحتي

ياهنايا بدنيتي

يا مستغربين من كلمتي

تعالو وبصو في صفحتي

نظيفة والحمد لله

واللي ليه عندي حاجة

يقول دلوقتي

لانا شايلة طاجن ستي

ولا في الشر باخذ وادي

النهرضة زي امبارح

حيعدي..

والزمن ماهوش من بين اديا

بيجري..

انا ظابطة وقتي

وعاملة حسابي..

ويا رب تخفف الحساب

يوم الحساب..

نصيحة ليك يا مصري

وانتي يا مصرية ..

مصر محتاجة ليك

وليها وليا..

ناخذ مع بعض وندي

ونبني وللبر الثاني نعدي

ونسيبنا من كلام الهلس..

اللي  لا يجيب ولا يودي..

وساعتها نقول كلنا

مع بعض

يا منانا يا فرحتنا

يا هنانا بدنيتنا..

طلعت للعلالي شمس امتنا..

يا منانا يا فرحتنا

يا هنانا بدنيتنا..